當一個人對工作提不起勁, 失去所有動力的時候, 要準備的, 應該就是一封信了。很想不顧一切地, 遞上辭職信, 然後頭也不回地踏出公司, 享受那耀眼的陽光....

簡直是妄想。

受不了百無聊賴的日子了, 任我如何拖慢工作的進度, 也消磨不了整整的八小時啊。別人都說這很好呀, 輕輕鬆鬆就賺到每月的人工, 從這個方向想, 也挺不錯的, 自由下班時間, 每天忙的就只是煩惱如何打發時間, 簡直羨煞旁人! 擺明我就是身在福中不知福啦...

想到如果要落實我工作假期這個計劃, 在這間公司至少要待三個月, 天呀!!!!! 一天都已經夠折騰了, 一百天要如何過? 真的很討厭這間公司, 很厭惡這裡的人和事! 我究竟發什麼神經, 好好的一個外語系畢業生居然找了一份跟自己本科壓根兒都不相干的工作, 錢不多, 成功感是零, 而且還浪費了幾年的大學時間和學費, 連自己都說不過去。我也不過想平平穩穩的找一份自己喜歡的工作, 我知道這不容易, 但至少不要對它厭惡吧? 看到身邊的人都為生活奮鬥, 為工作賣命,  應該自己也是享受其中, 這才真的是羨慕旁人!

經過長時間的抱怨和投訴, 大概也知道自己是個怎樣的人﹑想要怎樣的工作。我自以為自己是一個很進取的人, 其實不然。我很怕﹑也不喜歡和人競爭, 認為做好自己本份就夠; 不喜歡做領導人發佈命令, 換句話說我這一世也踩不上去管理層﹑做打工皇帝; 我也不善與人搞關係, 在現實的角度或在營商環境, 搞關係就是戴上不同的面具去對待身邊的人, 說穿了搞關係就是為了錢嘛, 雖說我資歷尚淺, 不過SALES 這一行確是令人大開眼界。想要做的, 可能是個小文員已經令自己心滿意足。

剛在爸媽房搗亂了一會, 他們左邊一個﹑右邊一個, 一個就說我生活欠缺長遠目標, 不切實際; 一個就說我歲月催人, 揀老公的條件不切實際。以我的理解, 應該說我是一個不切實際的蝕本貨吧。他們說的也不無道理, 我也動搖過, 質疑工作假期參加者對這計劃的評價, 還不是大家大條道理去掩飾自己惰性的籍口, 將整件事合理化而已。旅行過後又怎樣呢? 又會多了什麼不同的目標嗎? 我說不上, 啞然。不過同時間我又想, 即使這是事實又如何呢, 還有三十五年賺錢的時間, 只用其中的365日時間去「體驗生活」, 應該沒有什麼大不了的啊! 欠缺的, 是決心和勇氣而已。

其實我自覺﹑也很討厭這個迷失方向的自己...

鮎魚走0左, 原本定0左做義工的計劃因為佢而取消, 仲諗住今日落狗屎都冇咩好做, 點知天氣晴朗, 太陽伯伯都出0黎同我0地揮手。

多出0黎0既假期都係0係元朗悠0下悠0下, 睇「新房子」﹑食飯﹑做瑜珈﹑行街, 平平凡凡咁樣又過一日。

一到夜晚又有一陣失落同恐懼感, 過埋聽日, 又要番五日半工先有假放, 我應該又患上0左工作恐懼症。除0左呢個病之外, 個心理都應該有0的問題 -

我居然唔想去旅行

連我唯一0既嗜好我都提唔起興趣

連我自己都唔知自己想點




想頹到幾時?

只係想用文字發洩...

思緒好亂, 都唔知由邊到講起好。

好, 就由工作上面開始。做0左一年多兩個月, 兩間公司三個POST。係咪我呢個八十後太經唔起考驗呢? 做乜0野都半途而廢, 定係我本身都唔0岩做SALES? 其實轉0左去新POST, 有新老闆, 新上司, 仲要係非常之照顧我0既兩位好上司, 對住我呢個冇記性﹑做0野慢﹑又唔醒目0既死0靚妹, 都未鬧過我一句。其實我寧願佢0地鬧我, 咁樣我會好過0的。真係愈做就覺得自己愈冇X 用, 乜0野都問。好想問一問佢0地: 「你0地有冇後悔叫0左我過0黎?」工作表現差就唔駛再多講, 自己都好清楚。工作態度... 其實我都唔知點解我好似冇晒動力咁, 尤其呢期個人真係好謝, 可以坐0係OFFICE 成日唔知做過0的咩, 食0左屎咁!

做呢個位好煩, 我好鍾意見客, 因為0的客基本上都幾好人, 見客又唔駛留0係OFFICE, 傾0下計又一日! 不過見完客要FOLLOW UP 番佢0地0既問題真係好煩, 唔係因為0的客麻鬼煩多多要求, 而係咩都要問OPS「得唔得?」真係好忟, 好多好濕碎0既0野都要打落去問問問...! 我冇話事權, 好似只係一個傳話0既工具, 究竟我0係公司0既價值係邊? 我知道我唔應該比任何藉口話「我唔識」, 到而家都識咁 少0野, 只可以話可能我對呢一行專業冇咩興趣, 連去了解呢0的PRODUCTS, RELATED 0既SERVICES 興趣都冇... 或者更主要0既原因係... 我太懶。

唔鍾意一份工0既時候, 就會有好多位比你挑剔佢。我究竟有冇COMMISSION? 冇0既話咁我有冇BONUS? 話就話做SALES, 咁點先有COMMISSION? 幫你做0野但係又唔係你出糧比我, 咁即係點呀??? 新SERVICE OR 新PRODUCTS 先有COMMISSION 計, 銀行有幾多新0既SERVICE要你PROVIDE 先?!? 反而如果我呢個POST 唔係叫SALES 我會GUR 0的, 一個固定0既SALARY, 唔駛SELL 0野, 對住0的文件就算!
一諗起同期0既朋友都係專業人士, 個個都兩﹑三皮0野一個月, 那我是什麼...? 用咁多錢讀書搵0個萬幾蚊, 做足一年都唔知買唔買到一個廁所, 每個月儲0個雞碎咁多錢, 儲到少少去一去旅行又冇0左截, 幾時先有錢去投資錢搵錢?

工作係一個問題, 另外一個問題係個人問題。好憎而家0既自己, 冇晒方向, 冇晒目標, 冇興趣, 好無聊... 想學0野, 又唔捨得比錢學, 就算真係有錢學, 根本都唔知自己鍾意乜0野, 唔知去學乜0野好。其實以前崇洋都幾好, 起碼我會因為鍾意法國人﹑法國0既文化, 有令我去學好法文0既動力。以前我會同人講我鍾意FRENCH, 而家?! 連最BASIC 既0野都唔係好記得。未正式踏入社會, 都仲有好多憧憬, 只要有夢想, 凡事可成真, 雖然我知呢句說話到幾時講都APPLICABLE, 但係去到現實世界, 我真係唔信有夢想就可以成真...

好喇, 年尾6.5 日AL, 仲有2 個月, 但係唔知做咩好。一方面我覺得難得有AL, 冇可能留0係HK, 反正0係HK 洗0既錢都唔會少, 同埋咁難先可以連住放咁耐... 唉, 以前讀書就話幾時去旅行都得, 而家想去長0的0的都唔得... 另外一方面, 又真係好似用0左唔少錢去旅行, 同埋... 最主要係個心又真係唔係咁恨去旅行, 冇咩地方特別想去... 真係冇0野煩搵0野0黎煩... 星期六日0係屋企都已經叫悶, AL 又0係屋企都幾把鬼! 咁即係想點呢? 有冇一個安全0既地方我可以靜靜地一個自閉, 唔駛追景點, 只係得閒睇0下風景, 留意當地0既人0既日常生活, 唔駛耐, 幾日就夠...

除0左關於工作同個人思緒有0的問題之外, 好彩家人朋友都無恙, 愛情方面同樣地DRY, 我懷疑自己都有半放棄0既狀態, 可能經過廿幾年, 知道用咁多時間去幻想同期盼都係多餘, 咁不如順其自然吧啦。搵一個自己鍾意0既都咁難, 都莫講話要搵個兩情相悅0架喇! 不過... 最近好似有新發現播, 有0的驚喜

發完牢騷, 舒服晒 星期一又係新0既一天

金髮藍眼高大靚仔
風趣幽默年輕單身
閒時做GYM 做家務讀書

白馬王子, 應該就係咁樣

視線離唔開佢0既範圍
望住佢, 已經係一種享受
更何況同佢同台食飯(仲要坐隔離喎! 幾LAW 命!)?
佢快0的0黎HK, 等我0地過一個愉快0既週末啦!!!!~

十四﹑五歲就話少女懷春
廿四﹑五歲... 老少女情懷

久違了
這種令人咁興奮﹑會心微笑0既感覺

"如果搵生意都好似PLAN 去旅行咁勤力就好喇"

一句簡單, 卻充滿破壞力的說話 - 我給語塞了

如果我說"唔係我唔肯做, 係都冇0野比我做" 就像我在為自己找藉口

或者換一個說法: 我承認自己是真的做得未夠好, 我可以多打幾個電話, 多找他們飲咖啡

只不過十個客, 我要再怎樣做呢...

我也不想天天坐在同一個位, 每日都像在徊避那責怪的表情和凌厲的眼神

好恐怖

...............

最令人失望的, 原來說這句話之前, 她已和他討論過我的情況

她是知道我的情況的

她是知道我可以做的其實有限

她是知道我很多時候都問她有無甚麼事可以幫忙

她也叫我有空時自己讀資料

然而我仍然是公司裡的一條蛀米蟲

..............

他這樣說很合理, 哪有公司白養員工呢?

不過我也承認我心靈上很脆弱, 受不起挫折

對這句話我確實在反覆思量, 究竟怎樣可以做得更好?

或是, 這是我想做的行業嗎? 還是儲錢等轉工時去一年工作假期吧! (一句說話就想到要轉工... 連自己也看不起自己)

..............

身份﹑位置改變, 關係也無可避免跟著改變

明白到大家之間再不能像之前一樣暢所欲言

蜜月期過去了