4-5/8

第一個X-camp, 感受良多。

曾經好有熱誠, 想做好九樓, 想做個好媽媽, 主動Approach 迪開組。

曾經斷言唔會開組, 嘗試搵好多人諗好多藉口就逃避呢個責任, 唔想幫Hall 做0的乜, 唔想為一0的我唔想做0既0野比幾百蚊出0黎。

到最後, 為0左責任﹑為0左承諾, 都開0左組。

以前以為開組只係同的組仔組女玩, 大家開心, 基本上都唔會好辛苦。完今次一個兩一日夜0既X-camp 先知, 做一個組媽 - 唔易, 做一個好組媽 - 真係好難。要帶起氣氛, 要睇住佢0地, 要同佢0地打好關係, 我自問不是一個好有貨0既組媽, 冇去Pre-Game, 乜Game 都唔知, 又成日攪爛Gag﹑冷笑話, 都唔知有冇嚇親人... 又唔見得自己好識Take Care 人...

不過見到呢班仔女玩0個時咁開心, 同埋睇到佢0地寫比我張龜背字上面0既Feeling, 好感動! 兩日時間好短, 好想再有機會見到佢0地! 佢0地實在太可愛! 為0左做呢個組媽, 攪0左好多麻煩出0黎, 冇得訓﹑攪到聲都失埋, 仲比0左幾百蚊出0黎, 不過呢一切都係值得 

呢個Camp 咁開心, 最重要係我老公阿迪。佢真係一個好丈夫﹑好爸爸。為0左娛樂我0地, 比人多次做X, 但係一0的怨言都冇, 仲好睇住0的仔仔女女, 有0的咩麻煩佢都第一時間攪掂。簡直就係No.1! 唔同佢一齊開組, 都唔知係一個咁認真﹑咁有風度﹑咁有能力0既好男人。如果唔係佢同佢0既支持, 可能我一早已經放棄去做一個組媽。

仲有就係好多0既Core, 九樓0既Mabel, Vivien, Queenie, 飯同Peggy, 仲有八樓0既潮喬﹑thetong﹑Freddy加一眾0既大仙, 冇佢0地睇住同帶住0的氣氛, 我0地呢對冇貨0既組爸組媽點算? 好多後勤工作多得佢0地先可以順利完成, 佢0地雖然唔係組爸組媽, 但係辛苦0既程度同我0地根本冇咩分別。0係呢0的位更加覺得, 朋友, 就係一0的0係你有需要0既時候不辭勞苦幫忙0既人。

住0左0係到一年, 到今日先睇到呢到其實都有好一堆好男人

多謝迪﹑九樓姊妹同八樓兄弟﹑仲有一班咁可愛0既仔仔女女. I love 「Six Six 薯條」~!!!